منتديات الجنرال

منتديات الجنرال الاول للبرمجيات
mho22223.montadalhilal.com
اضخم منتدى برامج كسر لبروكسي
المراسه الاداره


انضم إلى المنتدى ، فالأمر سريع وسهل

منتديات الجنرال

منتديات الجنرال الاول للبرمجيات
mho22223.montadalhilal.com
اضخم منتدى برامج كسر لبروكسي
المراسه الاداره

منتديات الجنرال

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات الجنرال

منتديات الجنرال الاول للبرمجيات


2 مشترك

    اجمل ماغني العندليب الاسمر

    جنرال2008
    جنرال2008
    مشرف منتديات كاسر لبروكسي
    مشرف منتديات كاسر لبروكسي


    ذكر
    عدد المشاركات : 893
    العمر : 34
    العمل/الترفيه : مطرب
    المزاج : مبسوط
    منتديات الجنرال الاول للبرامج : 5
    تاريخ التسجيل : 13/03/2009

    اجمل ماغني العندليب الاسمر Empty اجمل ماغني العندليب الاسمر

    مُساهمة من طرف جنرال2008 الجمعة نوفمبر 06, 2009 3:16 am

    كلمات أغاني عبد الحليم حافظ




    الفهرس

    زي الهوى ـ حاول تفتكرني ـ أي دمعة حزن ـ أهواك واتمنى لو أنساك ـ نبتدي
    منين الحكاية ـ اسبقني يا قلبي اسبقني ـ أهواك واتمنى لو أنساك ـ أنا كل
    ما قول التوبه ـ قولوا له الحقيقة ـ أسمر يا اسمراني ـ بتلوموني ليه ـ
    بحلم بيك ـ الليالي ـ أعز الناس ـ

    **************



    زي الهوى

    عبد الحليم حافظ



    زي الهوا يا حبيبي زي الهوا
    وآه من ال
    هوى يا حبيبي آه من الهوى
    وخذتني من ايدي يا حبيبي ومشينا
    تحت القمر غنينا وسهرنا وحكينا
    وفي عز الكلام سكت الكلام
    واتاريني ماسك الهوا بايديه
    وآه من الهوى يا حبيبي آه من الهوى يا حبيبي
    وخذتني ومشينا والفرح يضمنا
    ونسينا يا حبيبي مين انت ومين انا
    حسيت ان هوانا ح يعيش مليون سنه
    وبقيت وانت معايا الدنيا ملك ايديه
    اامر على هوايا تقول امرك يا عينيه
    وفي عز الكلام سكت الكلام
    واتاريني ماسك الهوا بايديه
    وآه من الهوى يا حبيبي آه من الهوى يا حبيبي
    خايف ومشيت وانا خايف
    ايدي في ايدك وانا خايف
    خايف على فرحه قلبي
    خايف على شوقي وحبي
    وياما قلت لك انا
    واحنا في عز الهنا
    قلت لك يا حبيبي
    لا انا قد الفرحه ديّ
    وحلاوه الفرحه ديّ
    خايف لا في يوم وليله
    ماالاقكش بين ايديه
    تروح وتغيب عليّ
    وقلت لي يا حبيبي ساعتها
    دي دنيتي انت اللي ملتها
    وفي عز الكلام سكت الكلام
    واتاريني ماسك الهوا بايديه
    وآه من الهوى يا حبيبي آه من الهوى يا حبيبي
    وخذتني يا حبيبي ورحت طاير طاير
    وفتني يا حبيبي وقلبي حاير حاير
    وقلت لي راجع بكره انا راجع
    وفضلت مستني بآمالي
    ومالي البيت بالورد بالشوق بالحب بالاغاني
    بشمع قايد باحلى كلمه فوق لساني
    كان ده حالي يا حبيبي لما جيت
    رددنا الغنوه الحلوه سوى
    ودبنا مع نور الشمع .. دبنا سوى
    ودقنا حلاوه الحب .. دقناها سوى
    وفي لحظه لقيتك يا حبيبي زي دوامه هوا
    رميت الورد طفيت الشمع يا حبيبي
    والغنوه الحلوه ملاها الدمع يا حبيبي
    وفي عز الامان ضاع مني الامان
    واتاريني ماسك الهوا بايديه
    وآه من الهوى يا حبيبي آه من الهوى يا حبيبي





    حاول تفتكرني

    عبد الحليم حافظ

    انا اللى طول عمرى بصدق كلام الصبر فى المواويل
    وانا اللى طول عمرى بقول الحب عمره طويل
    من كتر ماكان الحب واخدنا
    وكل حلاوه الدنيا فى ايدنا
    لا فكرنا زمان يعاندنا
    ولا ايام تقدر تبعدنا
    وعشنا الحب بل ايام
    وكل بكره فيه احلام
    واتارى كل ده اوهام...
    وسافر من غير وداع
    فات في قلبي جراحه
    دبت في ليل السهر
    والعيون ما ارتاحوا
    و منين نجيب الصبر يااهل الله يداوينا؟
    اللي انكوى بالحب قبلينا يقول لينا
    وسافر من غير وداع...
    الجزء الثاني
    حبيبى...
    والله لسه حبيبى...
    والله وحبيبى مهما تنسى حبيبى...
    والله وحبيبى عمرى ما انسى حبيبى...
    ابقى افتكرنى... حاول تفتكرنى...
    ولو مريت فى طريق مشينا مره فيه
    او عديت فى مكان كان لينا ذكرا فيه
    ابقى افتكرنى... حاول تفتكرنى...
    دى ليالى عشناها
    ابداً مش حنساها
    على بالى يا حبيبى
    على بالى ايام و ليالى
    على بالى ليل و نهار
    وانت على بالى....
    ومنين نجيب الصبر يااهل الله يداوينا؟
    اللي انكوى بالحب قبلينا يقول لينا
    وسافر من غير وداع...
    الجزء الثالث
    بعدنا بعدنا ليه؟ تعبنا!
    قول قول قول من ايه؟
    من الشك يا عيني؟
    من كلمه قالوها عاي؟
    من الغيره يا عيني؟
    الغيوه ياما عملت في.
    حبيبى... مهما شوقى يطول يا حبيبى...
    حاقضل اقول يا حبيبى...
    ابقى افتكرنى... حاول تفتكرنى...
    ولو مريت فى طريق مشينا مره فيه
    او عديت فى مكان كان لينا ذكرا فيه
    ابقى افتكرنى... حاول تفتكرنى...
    دى ليالى عشناها
    ابداً مش حنساها
    على بالى يا حبيبى
    على بالى ايام و ليالى

    على بالى ليل و نهار
    وانت على بالى....
    ومنين نجيب الصبر يااهل الله يداوينا؟
    اللي انكوى بالحب قبلينا يقول لينا
    وسافر من غير وداع...

    الجزء الرابع

    من اليتا من بعدك واللى جرالى
    سهرنى الشوق دوقنى الشوق طعم الحرمان فى الليالى
    ياما ايام ضاعت يا سلام
    فى عذاب والام سهران ما بنام
    قضيت الليل مع قمر الليل ونجوم الليل بحكى فى كلام.
    ياما قات عنك وغابت شكوى منك
    وحياه الغالى عندك...
    ابقى افتكرنى... حاول تفتكرنى...
    ولو مريت فى طريق مشينا مره فيه
    او عديت فى مكان كان لينا ذكرا فيه
    ابقى افتكرنى... حاول تفتكرنى...
    دى ليالى عشناها
    ابداً مش حنساها
    على بالى يا حبيبى
    على بالى ايام وليالى
    على بالى ليل ونهار
    وانت على بالى....
    ومنين نجيب الصبر يااهل الله يداوينا؟
    اللي انكوى بالحب قبلينا يقول لينا
    وسافر من غير وداع...

    الجزء الخامس
    تعال... تعال... تعال... تعال... تعال...
    خلي الشمس مع ابتسامتنا تطاع و تنور دنيتنا.
    تعال... تعال... تعال... تعال... تعال...
    ليه نقول ان الفراق مكتوب علينا والحياه قدامنا؟
    ليه نسلم نفسنا للياس ونقول انظلمنا؟ ليه نقول انظلمنا؟
    تعال... تعال... تعال... تعال... تعال...
    خلي الدنيا تشوف فرحتنا.
    خلى الدنيا تقول حكايتنا.
    تعال... تعال... تعال... تعال... تعال...
    ياللى وانت بعيد معايا نقسى يوم تسمع ندايا.
    وان ماقدرتش تيجى تانى
    ونسيت زمانى ونسيت مكاني...
    ابقى افتكرنى... حاول تفتكرنى...
    ولو مريت فى طريق مشينا مره فيه
    اوعديت فى مكان كان لينا ذكرا فيه
    ابقى افتكرنى... حاول تفتكرنى...
    دى ليالى عشناها
    ابداً مش حنساها
    على بالى يا حبيبى
    على بالى ايام و ليالى
    على بالى ليل و نهار
    وانت على بالى....
    ومنين نجيب الصبر يااهل الله يداوينا؟
    اللي انكوى بالحب قبلينا يقول لينا
    وسافر من غير وداع



    أي دمعة حزن

    عبد الحليم حافظ



    أي دمعه حزن لا لا لا
    أي جرحه قلب لا لا لا
    أي لحظه حيره لا لا لا
    حتى نار الغيره لا لا لا
    عايشين سنين احلام
    دايبين باحلى كلام
    لا عرفنا لحظه ندم
    ولا خوف من الايام
    دق قلبى دق دق
    قلت مين علي دق
    قللي افتح بس انا قلت له يا قلبي لا
    جاى ليه يا زمان بعد ايه يا زمان؟
    من كام سنه قلبي وانا عايشين هنا؟
    من كام سنه دنيا الهنا منكم لنا من كام سنه؟
    قال ايه جاى الزمان يداوينا
    من ايه جى يا زمان تداوينا
    شاهدوا ما لم تشاهدوه في اي مكان اخر؟


    ده الامل فى عينينا والفرح حوالينا
    سالوا الزمان وقال ايه غير الاحوال
    قلنا له حبينا حبينا وارتحنا ونسينا الجرح بعدها مات
    احنا اللى قمنا للزمان احنا احنا اللى خدمنا الامل وجرحنا
    احنا اللى طاوعنا احنا وعمره فى يوم ما ريحنا
    احنا اللى طاوعنا احنا احنا اللى رميتنا احنا
    احنا اللى رميتنا للزمان احنا واخذ منا الامان وجرحنا
    لا ملامه علينا لا ملامه احنا تعبنا ودقنا ياما
    اما لقيت عليه يدواينا عمره ما فكر فى يوم يجينا
    وادينا عايشين وبقينا عاشقين لا جرح بقلوبنا ولا دمعه حزين
    ولما دق الحب زدنا الربيع نور شبابنا
    وفي ليله مش ناسيها سهران الفرح فيها
    جاني الزمان ومعاه هديه فرحت فيها حبيبى الاولاني
    سافرت كتير معاك باحلى من هواك كتير معاك
    سقيته من حناني وبنيت معاه آلامى
    وقلت يا ريت يا دنيا يطير عمرى تاني
    ومشيت على العذاب لقيت الفرح جاني
    والحب يا عيني تاه اتاري الزمن كداب
    وقدرت يا زمان في رحله النسيان
    ابعد عن الاحزان
    شوف يا قلبى شوف الدنيا يا قلبى حلوه بالحب يا قلبي
    حكايه الحب بالحب يا قلبى
    عمرك ما شفت قمر سهران بالليل عشاق
    ولا نجمه جايبه كلام بالليل عشاق
    كل العاشقين زى العاشقين جرح بقلوب
    ولا دمعه حزين قال ايه
    *********



    أهواك واتمنى لو أنساك

    عبد الحليم حافظ


    أهواك واتمنى لو انساك
    وانسى روحي وياك
    وان ضاعت يبقى فداك لو تنساني

    *****

    وانساك وتريني بانسى جفاك
    واشتاق لعذابي معاك
    والقى دموعي فاكراك ارجع تاني
    في لقاك الدنيا تجيني معاك
    ورضاها يبقى رضاك
    وساعتها يهون في هواك طول حرماني

    *****

    والاقيك مشغول وشاغلني بيك
    وعيني تيجي في عي؟؟؟؟؟؟؟؟؟؟؟؟؟؟؟؟؟؟؟؟؟؟
    وكلامهم يبقى عليك وانت تداري

    *****
    واراعيك واصحى من الليل اناديك
    وابعت روحي تصحيك
    قوم ياللي شاغلني بيك جرب ناري
    ************



    نبتدي منين الحكاية

    عبد الحليم حافظ

    لو حكينا يا حبيبي.. نبتدي منين الحكايه؟
    احنا قصه حبنا.. ليها اكتر من بدايه
    عشنا فيها يا ما عشنا..شفنا فيها.. يا ما شفنا
    لكن مشينا وكملنا.. مشوار الحب ووصلنا
    والدنيا ما قدرت تعاندنا.. وتفرق بينا وتبعدنا
    تعالى نقول لغيرنا.. انا وانت ازاي قدرنا
    نبعد عن اي عذاب.. ونعيش على طول احباب
    نحضن فرحتنا سوا.. ونخلي الحب شباب
    وقابلنا انا وانت في مشوارنا.. حاجات كتير جرحت غيرنا
    الغيره وظنونها.. واللي بيجرى منها
    في يوم ما قربت منا.. بعدها حبنا عنها
    وقابلنا الحاسدين وشافونا.. ولا هانش عليهم يفوتونا
    وقالوا علينا قالوا يا ما قالوا.. وهوانا ولا اتغير حاله
    وتسافر واسافر.. وايام يطول السفر
    وقلوبنا بتتقابل.. مع كل طلعه قمر
    وان جت خطوتنا تغربنا.. حلاوه الشوق بتقربنا
    ومنين يجينا الخصام؟.. ومنين يجينا البعاد؟
    واحنا بين قلوبنا.. كل لحظه ميعاد
    تعالى نقول لغيرنا.. انا وانت ازاي قدرنا
    نبعد عن اي عذاب. ونعيش عل طول احباب
    نحضن فرحتنا سوا.. ونخلي الحب شباب
    وفي لحظه وقفنا وابتدا خوفنا
    ولقينا حوالينا الدنيا ضباب.. وليل وقلب جريح
    زي اوراق الشجر وقت الخريف.. رماها الريح
    سالنا روحنا ليه ..اكبر من حبنا.. ايه..ايه؟
    لكن مطالش الخوف بينا..وعرفنا وشفنا وحسينا

    انت شايف الحب كله عيون.. وهمس لكن انا شايف
    احلى كلام عشاق يا حبيبي.. هو كلام الشفايف
    انت وانت جنبي في كل ميعاد.. بيجمعنا بتروح بعيد ويا التنهيد
    وانا بشوف لقانا هو اثنين سوا.. دايبين في لمسه ايد

    بتقولي بخاف نمشي ونبعد.. دا الهوى جبار يلعب بينا
    خايف من ايه؟
    في اجمل ايه.. من حضن يدفينا
    بتقولي شوف القمر ويايا شوف القمر
    اللي كل العاشقين.. سهروا الليالي ليه
    حلو القمر حلو.. بس احلى من القمر..لو نخلي عمرنا يوم ندوق الحب فيه
    واتبدد خوفنا.. من بعد وقوفنا
    وبدقه قلوبنا.. عرفنا ايه الدوا
    وعشنا الحب خيال.. وحقيقه سوا



    اسبقني يا قلبي اسبقني

    عبد الحليم حافظ



    اسبقني يا قلبي اسبقني

    ع الجنة الحلوة اسبقني
    اسبقني وقول لحبيبي

    أنا جاي على طول يا حبيبي
    الحقني قوام الحقني

    ع الجنة الحلوة اسبقني
    على قد ما شفت هوان

    واحترت يا قلبي زمان
    أهو جالك يوم ترتاح

    على أجمل بر أمان
    وعيون زي الأفراح

    تسقيك الشهد حنان
    نصبح غنوة للعاشقين

    ما تخليش ولا قلب حزين
    يلّلي اتعذبت كتير

    اسبقني يا قلبي وطير
    اسبقني وقول لحبيبي

    أنا جاي على طول يا حبيبي
    الحقني قوام الحقني

    على الجنة الحلوة اسبقني
    يلّلا يا قلبي يا أسعد قلب

    نملا الدنيا حب في حب
    يلّلا نقوم وننام في غرام

    ونفسر كل الأحلام
    نصبح غنوة للعاشقين

    ما تخليش ولا قلب حزين
    يلّلي اتعذبت كتير

    اسبقني يا قلبي وطير
    اسبقني وقول لحبيبي

    أنا جاي على طول يا حبيبي
    الحقني قوام الحقني

    ع الجنة الحلوة اسبقني




    أهواك وأتمنى لو أنساك
    عبد الحليم حافظ



    أهواك وأتمنى لو أنساك
    وأنسى روحي وياك
    وإن ضاعت يبقى فداك لو تنساني
    وأنساك وتريني بأنسى جفاك
    وأشتاق لعذابي معاك
    وألقى دموعي فاكراك أرجع تاني
    في لقاك الدنيا تجيني معاك
    ورضاها يبقى رضاك
    وساعتها يهون في هواك طول حرماني
    وألاقيك مشغول وشاغلني بيك
    وعيني تيجي في عي؟؟؟؟؟؟؟؟؟؟؟؟؟؟؟؟؟؟؟؟؟؟
    وكلامهم يبقى عليك وإنت تداري
    وأراعيك وأصحى من الليل أناديك
    وأبعت روحي تصحيك
    قوم ياللي شاغلني بيك جرب ناري






    أنا كل ما قول التوبه

    عبد الحليم حافظ



    أنا كل ما قول التوبه يا بوي

    ترميني المقادير يا عين
    وحشاني عيونه السودة يابوي

    ومدوبني الحنين يا عين
    أنا كل ما اقول التوبه يا بوي

    ترميني المجادير يا عين
    وحشانى عيونه السودا

    ومدوبني الحنين يا عين
    متغرب والليالي يا بوي

    مش سايباني في حالي يا عين
    والرمش اللي مجرحني يا بوي

    ضيعني وأنا كان مالي يا عين
    يا رموش قتاله وجارحه يا بوي

    وعيون نيمانة وسارحة ياعين
    أديكي عمري بحاله يا بوي

    واديني انتي الفرحة ياعين
    القلب الأخضراني يا بوي
    دبلت فيه الأماني يا عين
    ولا قادر طول غيبتكوا يا بوي
    يشرب من بحر تاني يا عين






    قولوا له الحقيقة

    عبد الحليم حافظ



    قولوا له قولوا له قولوا له الحقيقة

    بحبه بحبه من أول دقيقة
    قولوا له بحبه ومتوهني حبه

    في بحوره الغريقة أبو عيون جريئة
    كان مالي ما كنت في حالي

    متهني بقلبي الخالي
    فات رمشه الجريء وندهلي

    وفي أجمل عيون توهني
    قولوا له ندهني ليه

    حيرني وشغلني عليه
    بالحب اللي زايد والشوق اللي آيد
    من أول دقيقة أبو عيون جريئة
    فات جنبي وعيونه حبايبي

    نسوني اللي عايشين جنبي
    بصيت له قوام حبيته

    من فرحة عيني ناديته
    قولوا له يقول لعنيه

    إيه آخرة دا كله إيه
    يا يصحي لي قلبه يا ينسيني حبه
    أبو عيون جريئة أبو عيون جريئة
    طال الشوق وطال تعذيبي

    ولإمتى حداري لهيبي لهيبي
    أوصف له غرامي دا كله

    وفي أول مقابلة حقول
    أحلف له بليالي الشوق

    ونجوم السما اللي فوق
    إزاي قلبي حبه والبال انشغل به
    من أول دقيقة أبو عيون جريئة




    أسمر يا اسمراني

    عبد الحليم حافظ



    أسمر يا اسمراني مين أساك عليه
    لو ترضى بهواني برضه انت اللي ليه
    بتزيد عذابي ليه ويهون شبابي ليه
    وتطول غيابك ليه قولي ليه ناسي ليه ليه يا اسمر
    يا اسمر قلبي في نار نار عذابي ونار ظنوني
    يا اسمر فكري احتار الشوق ضناني سهر عيوني
    والجرح اللي في قلبي إزاي أدوايه
    والدمع اللي في عيني لإمته أداريه
    لا أنا باشكي ولا باحكي بس قولي يا حبيبي اسمر يا اسمراني
    قالوا لي الناس هواك حيرة وقلت أحتار عشان خاطرك
    تحيرني تسهرني كفاية أخطر على فكرك
    وأنا راضي بحرماني وحيرتي ويا أشجاني
    دا الحب اللي أنا شفته يوم وياك فرحني ونساني إزاي أنساك
    لا أنا باشكي ولا بحكي بس قولي يا حبيبي أسمر يا اسمراني
    أنا شاري هواك يا اسمر بروحي وفرحتي وعمري
    وأيام حلوة عشناها راحت وانقضت بدري
    ياريت ترجع لياليها وأنا وأنت نعيش فيها
    والقلب اللي شغلته سنين بهواك لوعته وضيعته وقلت فداك
    لا أنا باشكي ولا بحكي بس قولي يا حبيبي أسمر يا اسمراني




    بتلوموني ليه

    عبد الحليم حافظ


    بتلوموني ليه.. بتلوموني ليه
    لو شفتم عنيه حلوين اد ايه
    حتقولوا انشغالي وسهد الليالي
    مش كتير عليه.. ليه بتلوموني

    اسير الحبايب يا قلبي يا ذايب
    في موجة عبير من الشعر الحرير
    عالخدود يهفهف ويرجع يطير
    والناس بيلوموني واعمل ايه يا قلبي
    عايزين يحرموني منه ليه يا قلبي
    بتلوموني ليه

    من يوم حبه ما لمس قلبي ما لمس قلبي
    فتح الباب للشوق يلعب بي للشوق يلعب بي
    وهوّ حبيبي وهوّ نصيبي
    وهوّ النور لعنّيه وقلبي
    وهوّ شبابي وهوّ صحابي
    وهوّ قرايبي وكل حبايبي



    والناس بيلوموني واعمل ايه يا قلبي
    عايزين يحرموني منه ليه يا قلبي
    بتلوموني ليه ..






    بحلم بيك

    عبد الحليم حافظ



    بحلم بيك أنا بحلم بيك وبأشواقي مستنّيك

    وان ما سألتش فيه يبقى كفاية عليَّ

    عشتِ ليالي هنيَّة بحلم بيك أنا بحلم بيك



    بحلم بيك يا حبيبي أنا يللي مليت أيامي هَنا

    بحلم بيك عارف من إمتى من أوَّل ما عرفتِ أحب

    بحلم بيك وبحبَّك إنتَ أوَّل حبِّ وآخر حب

    إنتَ حياتي وابتساماتي وانتَ الروح والعين والقلب

    وان ما سألتش فيه يبقى كفاية عليَّ

    عشتِ ليالي هنيَّة بحلم بيك أنا بحلم بيك



    بحلم بالجنَّة اللي خيالي قبل الحب ما كانش يطويها

    بحلم بيك ويتهيالي إنتَ جنبي ليالي بطولها

    وافضل أحبَّك واحكيلك يا حبيب قلبي

    وبأجمل إسم أناديلك يا حبيب قلبي

    وان ما سألتش فيه يبقى كفاية عليَّ

    عشتِ ليالي هنيَّة بحلم بيك أنا بحلم بيك



    قدِّ ما عمري يطول يا حبيبي قدّ ما عمري يطول

    حَ استنَّاك على طول يا حبيبي حَ استناك على طول

    ليلي نهاري بَقول يا حبيبي ليلي نهاري بَقول

    يللي ما حدِّش قلَّك عالشوق اللَّنا فيه

    بكرة الشوق يُوصلَّك وتجرَّب لياليه

    وان ما سألتش فيه يبقى كفاية عليَّ

    عشتِ ليالي هنيَّة بحلم بيك أنا بحلم بيك




    الليالي

    عبد الحليم حافظ



    كل كلمة حب حلوة قلتها لي

    كل همسة شوق بشوق سمعتها لي
    والأمان والعطف والقلب الحنين

    والأماني كلها نولتها لي
    بس قلبي لسه خايف من الليالي

    وأنت عارف قد ايه ظلم الليالي
    يا حبيبي
    بين ليالي منورة وأيام هنية

    شفت وياكي الحب بقلبي وعينيه
    شفت جنة بالمحبة منورة لنا

    وأنت جنبي زي قلبي تخاف علي
    والمودة والغرام الحلو بينا

    يا حبيبي ضحكة رايحه وفرحه جاية
    بس قلبي لسه خايف من الليالي

    وانت عارف قد ايه ظلم الليالي
    يا حبيبي
    يا حبيبي عشت أجمل عمر في عي؟؟؟؟؟؟؟؟؟؟؟؟؟؟؟؟؟؟؟؟؟؟ الجميلة
    عشت اجمل عمر
    أوصل الألام مع الأحلام بغنوة شوق طويلة.. للرموش السمر
    يا حبيبي كفاية أحبك.. وارتوي من عطف قلبك
    وأنسى بكرة وأنسى بعده.. وافتكر بس إني جنبك
    والليالي تعمل إيه فينا الليالي.. حبنا أكبر وأكبر من الليالي
    يا حبيبي..




    أعز الناس

    عبد الحليم حافظ



    أعز الناس

    على طول الحياة نقابل ناس
    ونعرف ناس ونرتاح ويا ناس عن ناس
    وبيدور الزمن بينا يغير لون ليالينا
    وبنتوه بين الزحام والناس ويمكن ننسى كل الناس
    ولا ننسى حبايبنا أعز الناس حبايبنا أعز الناس حبايبنا
    سنين وسنين تفوت ما نحس بوجودها ولا وجودنا
    ولحظة حب عشناها عشناها نعيش العمر تسعدنا
    ومين ينسى ومين يقدر فى يوم ينسى ؟ شعاع أول شرارة حب
    ونظرة من بعيد لبعيد تقول حبيت ورمش قول غلبني الحب غلبني
    ومين ينسى ومين يقدر في يوم ينسى
    ليالي الشوق ولا نارها وحلاوتها
    ولا أول سلام بالإيد ولا المواعيد ولهفتها
    ولا ننسى ولا نقدر في يوم ننسى
    حبايبنا أعز الناس حبايبنا
    حبيب قلبي وروح قلبي حياة قلبي
    يا أغلى الناس يا أحلى الناس يا كل الناس
    لسه مشوار الحياة شايل لنا وقفات
    معالم فى طريق الحب أحلى كتير
    من اللي فات من اللي فات
    الفهد الاسود
    الفهد الاسود
    قائد سابق في الجيش *


    ذكر
    عدد المشاركات : 87
    العمر : 44
    منتديات الجنرال الاول للبرامج : 0
    تاريخ التسجيل : 20/02/2009

    اجمل ماغني العندليب الاسمر Empty رد: اجمل ماغني العندليب الاسمر

    مُساهمة من طرف الفهد الاسود الأربعاء أبريل 27, 2011 5:15 pm

    اجمل ماغني العندليب الاسمر 168470 اجمل ماغني العندليب الاسمر 677853

      الوقت/التاريخ الآن هو الخميس مارس 28, 2024 9:36 am